247760, Гомельская вобласць,
mozyrisp1@mail.gomel.by 
8 (0236) 30-01-11
8 (0236) 30-01-10 
142 
У Беларусі на ліквідацыю наступстваў чарнобыльскай катастрофы было накіравана больш як $19,5 млрд. Аб гэтым на прэс-канферэнцыі расказаў першы намеснік начальніка дэпартамента па ядзернай і радыяцыйнай бяспецы Міністэрства па надзвычайных сітуацыях Леанід Дзедуль, паведамляе карэспандэнт БЕЛТА.
Дзяржатамнагляд з'яўляецца каардынатарам рэалізуемай дзяржавай палітыкі ў сферы пераадолення наступстваў катастрофы на Чарнобыльскай атамнай электрастанцыі, адзначыў Леанід Дзедуль. "Пройдзены значны шлях ад прыняцця тэрміновых ахоўных мер, рэабілітацыі пацярпелых тэрыторый да выканання мерапрыемстваў па іх адраджэнні. На іх рэалізацыю ў рамках адпаведных дзяржаўных праграм усяго было выдзелена больш як $19,5 млрд", - адзначыў ён.
Цяпер рэалізуецца ўжо шостая праграма, якая разлічана на 2021-2025 гады. Яе бюджэт складае каля Br3 млрд. "Рэалізацыя мерапрыемстваў праграмы, а іх ужо выканана больш за 80, нацэлена на забеспячэнне сацыяльнай абароны насельніцтва, выкананне патрабаванняў радыяцыйнай бяспекі і паскоранае сацыяльна-эканамічнае развіццё пацярпелых тэрыторый і іх адраджэння", - сказаў Леанід Дзедуль.-0-
