247760, Гомельская вобласць,
mozyrisp1@mail.gomel.by 
8 (0236) 30-01-11
8 (0236) 30-01-10 
142 
На працягу двух месяцаў юнакі спасцігалі асновы пагранічнай службы. Ацэньвала ўзровень падрыхтоўкі пагранiчнiкаў экзаменацыйная камісія з дасведчаных афіцэраў.
На экзамене пагранічнікі паказалі высокі ўзровень тэарэтычнай падрыхтоўкі па тактыцы пагранічнай службы і агнявой падрыхтоўцы. Практычныя навыкі па прадметах ацэньваліся непасрэдна на навучальным стрэльбішчы. Афіцэры з ліку экзаменатараў, кожны на сваёй вучэбнай кропцы, далі ацэнку ўзроўню валодання зброяй, трапнасці, хуткасці зараджання і разраджэння аўтамата, навыкам і прыёмам самаабароны, затрымання і канваіравання, майстэрству следапыцтва.
Па выніках выпрабаванняў экзаменацыйная камісія прысвоіла навабранцам вайсковую спецыяльнасць "інспектар пагранiчнай службы".
У бліжэйшыя дні маладыя людзі адправяцца ў падраздзяленні мяжы выконваць задачы па ахове родных меж. Некаторыя з пагранічнікаў працягнуць сваё навучанне ў іншых навучальных цэнтрах пагранслужбы Беларусі і дадаткова асвояць спецыяльнасці кінолага, вадзіцеля, кухара.
