Дзевяць раёнаў Гомельскай вобласці завяршылі сяўбу кукурузы на зерне

12.05.2022

Дзевяць раёнаў Гомельскай вобласці завяршылі сяўбу кукурузы на зерне

Дзевяць раёнаў Гомельскай вобласці завяршылі сяўбу кукурузы на зерне, паведаміў сёння на апаратнай нарадзе ў аблвыканкаме старшыня камітэта па сельскай гаспадарцы і харчаванні Дзмітрый Петражыцкі, перадае карэспандэнт БЕЛТА.

Старшыня адзначыў, што аграрыі вобласці вядуць сяўбу кармавых культур: кукурузы, аднагадовых траў.

"Кукурузу пасеялі на плошчы 98,6 тыс. га, або 33 працэнты ад плана. На зерне сяўбу правялі на 58,4 тыс. га, або 78 працэнтаў ад плана. На зялёную масу - 40,1 тыс. га, гэта 18 працэнтаў ад неабходнага. Пры гэтым 9 раёнаў завяршылі сяўбу кукурузы на зерне", - канкрэтызаваў ён.

Паводле слоў Дзмітрыя Петражыцкага, паскорыць тэмпы трэба Петрыкаўскаму, Жлобінскаму, Ельскаму, Светлагорскаму, Добрушскаму і Лоеўскаму раёнам.

Кіраўнік камітэта дадаў: калі аграрыі рэгіёна выйдуць на штодзённую сяўбу кукурузы 13 тыс. га, то завершаць яе да 25 мая.

Старшыня аблвыканкама Іван Крупко звярнуў увагу кіраўнікоў раёнаў, сельгаспрадпрыемстваў: сёння ўмовы даюць магчымасць працаваць увесь светлавы дзень. "Трэба задзейнічаць усю тэхніку, арганізаваць работу механізатараў, каб укласціся ў тэрміны", - падкрэсліў ён.

Ільнозаводы вобласці прадаўжаюць сяўбу лёну. На сёння гэту работу правялі на 62 працэнтах запланаваных плошчаў. Пры захаванні тэмпаў гаспадаркі плануюць завяршыць сяўбу ў бліжэйшыя пяць дзён.
Да 15 мая ў рэгіёне маюць намер закончыць пасадку бульбы - яе пасеялі больш як на палавіне плошчаў. Завяршылі гэту работу ўжо 4 раёны: Брагінскі, Калінкавіцкі, Мазырскі і Акцябрскі.

Агародніну ў вобласці пасеялі на 0,9 тыс. га, або 57 працэнтаў ад плана.