Мазырскі

"Наша ўстанова для дзяцей - самая маладая ў рэспубліцы. Яна існуе з 2011 года. Можна па праву сказаць, што яна ўнікальная, перш за ўсё нашымі дзеткамі. Мы забралі на сябе дзяцей з цяжкай інваліднасцю, чацвёртай ступенню страты здароўя, і маладых людзей з інваліднасцю (90 працэнтаў - з І групай інваліднасці і 10 працэнтаў - ІІ групай)", - сказала Галіна Далгаполава.

Першапачаткова ўстанова аказвала толькі адну паслугу - кругласутачнага знаходжання. Паводле слоў дырэктара дома-інтэрната, гэта была невялікая ўстанова для маленькай групы з 75 чалавек. У асноўным знаходзіліся дзеці-сіроты і дзеці, якія засталіся без апекі бацькоў.

"Але ў рэгіёне была патрэбнасць у аказанні паслуг дзённага знаходжання. І мы разумелі, што трэба развівацца, ісці далей. Заўсёды ставіцца пытанне аб дэінстытуалізацыі. Было зразумела, што трэба шукаць нейкі іншы напрамак. І мы бачылі, што ў прынцыпе гатовы аказваць гэту паслугу. У 2021 годзе на базе нашай установы адкрыта аддзяленне комплекснай рэабілітацыі", - расказала дырэктар. Цяпер дом-інтэрнат працуе для 140 чалавек: 75 пражываюць кругласутачна, 65 дзяцей і маладых людзей з інваліднасцю прыходзяць на дзённае знаходжанне. Ва ўстанове прымаюць дзяцей ва ўзросце ад 4 гадоў.

"Цяпер дзякуючы гэтаму аддзяленню мы аказваем абсалютна ўсе ў рамках заканадаўства паслугі, якія існуюць у Рэспубліцы Беларусь. Гэта кругласутачнае, дзённае знаходжанне, паслуга сацыяльнай перадышкі да 56 дзён у год (зусім нядаўна было толькі 28 дзён у год)", - заўважыла Галіна Далгаполава.

Гаворачы аб сацыяльнай перадышцы, яна адзначыла, што скарыстацца гэтай паслугай сям'я можа ў зусім розных жыццёвых сітуацыях: для адпачынку, шпіталізацыі, рамонту і інш. На час знаходжання ў доме-інтэрнаце дзеці не выпадаюць з адукацыйнага, рэабілітацыйнага працэсу. Гэтай паслугай карыстаюцца штогод да 30 сем'яў горада Гомеля і Гомельскага раёна. Сем'і запісваюцца планава на працягу ўсяго года, хоць найбольш запатрабавана паслуга ў канікулярны час, у святочныя і выхадныя дні. Для сем'яў яна практычна бясплатная: бацькі аплачваюць толькі харчаванне дзіцяці, прыкладна Br4,5 - Br5 у суткі.

"Таксама мы аказваем паслугу рэабілітацыі - да месяца ў год, і гэта абсалютна бясплатна. Гэту паслугу могуць атрымліваць дзеці, маладыя людзі з інваліднасцю. Ёсць паслуга кароткачасовага знаходжання для дарослых", - прадоўжыла дырэктар дома-інтэрната.

Галіна Далгаполава расказала, што з метадаў работы ў аддзяленні комплекснай рэабілітацыі - псіхолага-педагагічная карэкцыя. Працуе чатыры класы і дашкольная група. Бацькі прыводзяць сюды сваіх дзяцей з цяжкай інваліднасцю на цэлы дзень. У кожным класе 2-3 чалавекі з расстройствам аўтыстычнага спектра. Тут для іх створаны спецыяльныя ўмовы: заніраванне прасторы, ёсць рознае рэабілітацыйнае абсталяванне.

Акрамя таго, праводзіцца велізарная работа па абучэнні бацькоў, законных прадстаўнікоў, сваякоў. "Калі мы ставім мэту, а дома яна не падтрымліваецца, то сэнсу ў прынцыпе ніякага няма. Таму праводзіцца абучэнне бацькоў, як дома заніраваць прастору для чалавека з інваліднасцю", - сказала яна.

Дзяцей навучаюць бытавой самастойнасці, у тым ліку такім навыкам, як раздзецца і апрануцца, як памыцца, есці адаптаванай лыжкай.

БелТА