Адрас райвыканкама:
247760, Гомельская вобласць, г. Мазыр, пл.Леніна, 16

Тэлефон прыёмнай:
8- (0236) -300111

Электронны адрас для дзелавой перапіскі: mozyrisp1@mail.gomel.by
рака Прыпяць
рака Прыпяць
Галоўная / Навіны вобласці
8 лістапада 2021

Больш за 640 ложкаў у стацыянарах Гомельскай вобласці плануюць вярнуць да планавай меддапамогі за тыдзень

8 лістапада, Гомель /Кар. БЕЛТА/. У стацыянарах Гомельскай вобласці на працягу тыдня з 8 па 14 лістапада плануюць вярнуць да аказання планавай медыцынскай дапамогі больш за 640 ложкаў, якія былі перапрафіляваны для пацыентаў з COVID-19. Аб гэтым паведаміў карэспандэнту БЕЛТА начальнік галоўнага ўпраўлення аховы здароўя аблвыканкама Мікалай Кудзяньчук.

У стандартны рэжым уваходзяць аддзяленні розных напрамкаў. Так, у тэрапіі гэта 30 ложкаў у Мазыры, 15 - у Буда-Кашалёве, 5 - Ельску. Па акушэрска-гінекалагічным профілі маюць намер вярнуць у звычайны рэжым па 20 ложкаў у Гомельскай абласной клінічнай бальніцы і Рагачоўскай цэнтральнай райбальніцы, па 5 - у Жлобінскай і Брагінскай ЦРБ.

У Жлобінскай бальніцы планавую дапамогу адновяць таксама ў педыятрыі (5 ложкаў). У стандартным рытме пачнуць працаваць перапрафіляваныя раней 25 ложкаў рэабілітацыі ў Веткаўскай ЦРБ, 20 хірургічных - у Добрушскай, 20 хірургічных, 10 кардыялагічных і 10 траўматалагічных - у Рэчыцкай, 5 неўралагічных - у Кармянскай, у рэанімацыйныя - у Лельчыцкай цэнтральных райбальніцах.

Мікалай Кудзяньчук дадаў, што за тыдзень з 1 па 7 лістапада ў стацыянарах Гомельскага рэгіёна ў звычайны рэжым функцыянавання былі вернуты 364 ложкі.

Усе навiны